Shillong: Ka National People’s Party (NPP) da beiñ ko ya ka Congress kawa da pynbaad wa ka NPP yalok wei man ko ka kam ka Team ‘B” yong ka BJP deiwa ong wa ka Congress da mylliñ ko wa da jooh krehlang ko wa ka BJP ha ki snem wa da lai ha Jaiñtia Hills Autonomous District Council (JHADC).
Hawa yaklam wa kiwa pathai khubor u Presdent ka NPP Meghalaya, u DR WR Kharlukhi da ong u wa ka Congress ha Meghalaya ym em yaphær ko wow krehlang wa ka BJP katwa dang yoh myntoi ko wei da mylliñ ko wa ha u snem wa dadep da krehlang ko wa ka BJP wow chna ya ka executive committee ha JHADC.
U Dr Kharlukhi da ong u wa ka NPP toh ka party neibynta ki paaid ri-loom wa ki khianpaaid, wei daw pyrshah ko ya kawon kawon ka party lada em i maa ya ki khian paaid deiwa maham wow mih na i kyrchaan ya ka sorkar NDA wa da yahkhmat da ka BJP neidaw ka Citizenship Amendment Bill.
Da ong u wa ka NPP ym murieh ko yei yatoh wa ka BJP kamwa da murieh da ka Congress wei ini i pynbaad ka Congress toh wym em ko iwon iwon u klam cha ki paidbah ha kani ka election lait noh du wow kynthah yei yatoh ka NPP wa ka BJP kamwa da leh heipor election MLA hapoh jylla.
Discussion about this post