Mynjur ka GHADC yei kyndon su tulop ya kiwa kreh | Pynlait ka sorkar Rs. 50 klur

U Montri Rangbah ka jylla, u Conrad K Sangma da pyntip u wa ynne ka Cabinet da mynjur ko yeiwa tyrwa ka Committee wa ka Sub-Committee kiwa da thung yow yaklam wa ka GHADC heiyatoh wa i su ya ka tulop kiwa kreh yong ka.

Hadien wa da yaklam bniah ka Sub-Committee wa ka Executive Committee (EC) wei deiwa sñiawthooh yeiwa emkaam ki, neiliang ka sorkar da mynjur ko wow pynlait poisa kam ka Advance ya ka bhah ka GHADC kawa man kam ka Royalty.

Kani ka poisa kawa da kynjoh Rs. 50 klur toh yow pyntikna wa nadooh ka 1 tarik u November kiwa kreh u yoh ki ya ka tulop heipor wa biang.

U Conrad da pyntip u wa kani ka poisa kawa Rs.24–25 klur man ko na ka bhah wa toh u yoh ka GHADC na ki dan wa yoh ka sorkar katwa ka Rs. 25 klur man ko kam ka Advance yong ka Royalty yow su ya 12 bnai ka tulop wa dang sah.

Kam chibynta ini waroh, ka EC ka GHADC da mynjur ko leh yei thung ya u sahep wa man kam u IAS u wow man noh kam u Principal Secretary ka GHADC wei i kaam u toh wow pait yei su tulop wei wow yarap ya ka Council wow pynbha pynmiat ya ki kaam poisa poilaiñ yong ka.

Related posts

Chah kem 8 ngut kiwa slaitbor ya ka khynnah wa dang 15 snem deiwa rahbor ka heipor wa lai mihlait

January 11, 2026

I yap u Garo toh neidaw wym ye ka sorkar wow pynsangeh yei tih mar pohkhyndaw pyrchah aiñ: BJP

January 11, 2026

Da mynjur leh wow wai da ka Escrow Account yow pait ya kani ka poisa yow pyntikna wa khooid i pynemkaam ya kani ka Advance wa e ka sorkar du wow su ya ka tulop kiwa kreh donhi.

Kam wow kdaw heini wa 800 ngut na ki 1200-1300 ngut kiwa kreh ka GHADC da e ki dei thoh wow kyrchaan yeini iwa da tyrwa ka sorkar.