Jowai: Ka dorbar lyiur yong ka Jaiñtia Hills Autonomous District Council (JHADC) da poi ko cha wa kut ynne ka sngi deiwa mynjur yaka Bill wa tip kam ka “The Jaiñtia Hills Autonomous District Council (Election to the office of Dolloi) rules 2019” kawa da wanrah hapoh ka yung dorbar da u E.M. In-charge u Finelyness Bareh haka sngi sdang ka dorbar haka 25 tarik u bnai wa da dep.
Ya kani ka Bill da wanrah hajrong wow pynkrehkaam katkam ka bor wa da pynkup lyngba ka kyndon Section wa 35 yong ka aiñ The Jaiñtia Hills Autonomous District (Establishment of Elaka and Village and Election, Appointment, Powers,Functions and Jurisdiction of Dolloi and Waheh Shnong) Act, 2015.
Ya kani ka Bill da mynjur ya waroh ki kyndon wa em hapoh yong ka wa kynthup nadooh ka Chapter-I, Preliminary, Chapter-II, Appointments, Powers Duties and Functions, Chapter-III Electoral Rolls, Chapter-IV, Conduct of Election to the Office of Dolloi, Chapter-V, Polling and Voting of Election, Chapter-VI Counting of Votes, Chapter-VII, Election Papers, Chapter-VII Election Disputes and Appeals.
Ha kani ka jooh ka sngi waroh ki dkhot yong ka yung dorbar da chim ki leh ya ka bynta wow kynmoo warom deiwa suki kiaw wa chi chi minit kam ka dak sñiawlem ya i khlaad noh u Willy Bertus Suchiang Ex-MDC ka JHADC.
Ka dorbar ynne ka sngi da kut noh ko du hapoh chiteiñ kynta.
Discussion about this post