Ynne ka sngi ki 12 ngut ki MLA warim ka Congress na jylla Meghalaya hapoh i yahkhmat u Dr. Mukul Sangma da lai yachem ki ya ka khlieh dooh (Chairperson) ka seiñ TMC, ka Mamata Banerjee ha Kolkata heiwa kani man ko ka sien wa nyngkong wa lai yachem ki ya ka hadien wa psiah noh ki cha ka TMC.
Ya u Charles Pyngrope da jied kam u President ka All India Trinamool Congress Meghalaya Unit hapoh ka Party ka jylla.
Ha kani ka sngi da jied leh ya u Dr. Mukul Sangma wow man kam u Parliamentary Leader ka Party hapoh ka jylla.
Da jied leh ya u George Lyngdoh kam u Chief Whip ka liang pyrchah, u HM Shangpliang won kam u Secretary ka Party hapoh Meghalaya.
Neiliang ka Mamata Banerjee da pdiang ko leh ya ki 12 ngut ki MLA cha ka Party.
Kam wow pynkynmoo heini, kini ki 12 ngut da pynbna ki wa da mih ki na ka Congress wow psiah cha ka TMC toh ha ka 24 tarik uni u bnai.
