15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Mynjur ka Parliament yaki ar tylli ki Bill yow pynkylla yaka rep ka riang

Advertisement ad1

Ka Parliament ynne ka sngi da mynjur ko yaki 2 tylli ki Bill yow pynkylla yaka rep ka riang deiwa thmu leh wow pynku yei yoh nong ki warep. Ka Farmers’ Produce Trade and Commerce (Promotion and Facilitation) Bill, 2020, waka The Farmers (Empowerment and Protection) Agreement of Price Assurance and Farm Services Bill, 2020 toh kawa da mynjur daka Lok Sabha haka 17 tarik uni u bnai, wei da mynjur yaki saka Rajya Sabha ynne ka sngi.

Ya kini ki Bill da wanrah haka Lok Sabha haka 14 tarik uni u bnai da u Union Minister of Agriculture & Farmers’ Welfare, Rural Development & Panchayati Raj, u Narendra Singh Tomar, yow pyndam noh yaki Ordinance kiwa da pynkrehkaam haka 05-06-2020.

Advertisement ad1

Hawa klam chaphang kini ki Bill, u Narendra Singh Tomar da ong u wa ka sorkar hapoh i yahkhmat u Prime Minister u Narendra Modi da chim ki ya kiwa boon ki rai kiwa emkaam bha ha kini ki 6 snem yow pyntikna wa ki warep u yoh ki yei dor wa biang deiwa ong leh wa i thied yaki mar deiwa da em chwa i dor wa da booh iwa ym toh u duna namo i Minimum Support Price (MSP) u pteiñ hi i.

The Farmers’ Produce Trade and Commerce (Promotion and Facilitation) Bill, 2020

Hapoh kani da ong wa ki warep u yoh ki yei mon wei man ki leh kiwa laitlooid ya iyi wow dai kamjooh ki mar rep wow thied, yow lait leh u em iwa khang yei khayi hapoh ka jylla kamjooh wa kiwi ki jylla. Ki warep leh ym hap su ki ya kiwon kiwon ki dan kamjooh ka bai kit. Da pynchlur leh wow sdang u pynemkaam yaka Electronic Trading hawa dai wa thied, wei ym pyndam yaki yaw warim kiwa da jooh em.

The Farmers (Empowerment and Protection) Agreement of Price Assurance and Farm Services Bill, 2020

Hapoh kani, ki warep ye ki wow yachem wa ki Wholesaler, kiwa dai khutia kiwa heh, kiwa chalan wa kiwi kiwi hadooh wow pynbiat dor chwa wow rep yaki mar wei i kylla dor ki mar lada hiar dor u man i bahkhlieh cha kiwa da bait wow thied.

Ini mut wa manda soi soskular yow pynbiat dor daw yoh ki yei su hapoh 3 sngi.

Share this:
Previous

Arrangements for opening of shops in East Khasi Hills

Next

Chah Suspend 8 ngut ki MP ka Rajya Sabha