15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Mynjur ka sorkar Assam wow e 10 seat ka bhah puræ doctor ya ka Meghalaya

0 Comments

Shillong: Ka sorkar Assam ynne ka sngi da mynjur ko wow e chiphaw tylli ki seat puræ doctor neibynta ki khynnah ka jylla Meghalaya, wei yeini da leh hadien wa tuklar ka sorkar Meghalaya neibhah wa i thmu ka sorkar Assam toh wow e du ar seat.

U Montri i chait i khiah ka jylla, u Alexander Laloo Hek da ong u wa hadien wa da yoh ya ka chithi na ka sorkar Assam lyngba u Himanta Biswa Sarma wa pyntip wa da mang du 2 seat neibynta ka Meghalaya, neiliang yong oo kam u Montri da phone u cha u Montri ka Assam wow kyntu wow mang bait 10 seat kam ki por wa nachwa.

Advertisement ad1

U Hek da ong u, “Ha kini ki sngi yoh ya ka chithi wa da mang du 2 seat wei mar tip yeini da phone O cha Assam wow kyrpaad wa ymtoh u pyndooh 10 seat ya ki khynnah ka Meghalaya kamwa da mang waroh chi kattu, tangwa neiliang u Montri ka Assam da ong u wow e noh du 8 seat. Nga da kyntu O ya u oo wow e bait waroh 10 seat katwa ka jylla ympu yoh ko ya ka Medical College yong ka hi.”

Share this:
Previous

Pynskem ka JHADC ya u Sirdar ka Saipung Sirdarship neibynta ka samoi wa san snem

Next

Khlaad noh u Wanmiki Laloo

0 Comments

Leave a Reply