U Montri ka chnat Puræ Puthi ka jylla uwa man leh u MLA ka Amlarem da pyntip u wa da yoh T. 43.70 klur wow chna pynmiat ya u sarok NH-40 (E) uwa da tip thymme kam u NH-206.
Ini i chna toh neibynta 14.900 Km uni u sarok iwa man nadooh Dawki hadooh Nongtalang wei da e poisa wow leh yeini da ka Ministry of Road Transport and Highway (MoRTH).
Neiliang u Lahkmen da ong u wa i chna pynmiat ya uni u sarok daw yarap bha i wow kyntu kynrong ya i yoh i laa kamjooh leh ha ki kaam uiñke suwari.
Neiliang u Montri Rangbah ka jylla leh da e khublei u ya ka MoRTH kamjooh ya ka yung krehkaam u Montri Rangbahdooh ka ri wa da e ki ya kani ka poisa.
