Ka Union Cabinet wa khlieh da u Montri Rangbahdooh ka ri, u Narendra Modi, ynne ka sngi da mynjur ko ya ka Scheme wa thymme kawa tip kam ka Prime Minister’s Development Initiative for North East Region (PM-DevINE) neibynta ki soo snem ka 15th Finance Commission nadooh u 2022-23 hadooh 2025-26. Kani ka PM-DevINE toh kawa da kyrchaan poisa bait da ka sorkar pyrdi 100% wei daw pynkrehkaam ka lyngba ka Ministry of Development of North Eastern Region (DoNER).
Ka PM-DevINE Scheme da booh ka mang poisa kawa T. 6,600 klur neibynta ki soo snem.
Ki kreh hapoh kani ka PM-DevINE da booh thong wow pyndep ha u 2025-26 wei ym toh u em kiwa sah khlem pyndep.
Hapoh ka PM-DevINE daw chna ya kiwa boon kiwa emkaam, u kyrchaan ya ki karkhana, u wai ki laad yoh kreh ki khynroo wa ki kynthai kamjooh wow seiñ khih.
Yow lait u sahkut i kreh khlem pyndep, daw jied ya ki jait kreh wa ye u pyndep hei por deiwa krehlang ka Ministry of DoNER lyngba ka North Eastern Council lane ki chnat ka sorkar pyrdi.
Hapoh kiwi ki Scheme ka MDoNER yow pynku pynroi ya ka thaaiñ North East, ki kreh toh kiwa chongdor kamwa T. 12 klur. Ka PM-DevINE won daw yarap ko ya ki kreh kiwa rap heh i dor nadooh wa sdang hadooh wa kut. Wei daw pyntikna leh wym sdang ya ki jait kreh kiwa da em chwa wa da leh da ka MDoNER lane kiwi ki chnat sorkar.
Ki kreh kiwa daw yoh yei mynjur neibynta u 2022-23 hapoh ka PM-DevINE u man ki katkam ka mang tangka kawa da dep pynbna katwa kiwi won kam wow booh ya iwa emkaam ha ki Primary Health Care Centre, ha ki Government Primary wa Secondary School wa kiwi kiwi de daw pyrkhat won hadien.
I daw wa da pynbna ya ka PM-DevINE toh wa ki thaaiñ ka North East man ki kiwa dang duna bha waroh kiwa emkaam namo ki Basic Minimum Services (BMS) kiwa ym pu poi cha ki kyrdan yong waroh kawi ka ri katkam wa da booh thong hapoh ka BER District Sustainable Development Goad (SDG) Index 2021-22 wa da pynkhreh da ka NITI Aayog, UNDP wa MDoNER.
