Ka All Khasi Meghalaya Tourist Taxi Association (AKMTTA) da e por ko ya ka sorkar ar tayaaw yow jubab yeiwa dawa ka seiñ heiyatoh wa i kamai ki kari Tourist hapoh Meghalaya heiwa ynne da yachem ki wa u Deputy Chief Minister uwa pait leh ya ka chnat Transport.
Ka rai wa da chim toh yow pait noh yeini i kaam da u Sniawbhalang Dhar kam u Chairman ka Committee wei daw yachem biang ha ka 10 tarik u Naichiphaw yow yaklam yeiwa leh ha kiwi ki jylla kam ka Jharkhand, Odisha, Karnataka wa kiwi yow ye u pynkrehkaam hapoh Meghalaya.
Tangwa kattæ kani ka kaam dapoi ko leh cha ka High Court kawa da chong bichaar yeini ynnin ka sngi heiwa da phah Notice ko cha waroh kiwa embynta.
Neiliang u Montri da ong u wa ka sorkar daw bichaar ko yeiwa leh cha kiwi ki jylla kam ha Sikkim, Karnataka, Maharashtra wa kiwi de chwa wow chim rai kammon u leh wei da phah leh ya ka chnat Transport wow ya krehlang wa u Chief Secretary wow yaklam wa kini kiwi ki jylla yow tip bniah kammon leh wei pynkrehkaam ki.
Da ong u leh wa i yachem yaklam ynne toh iwa miat wei ymtoh u em ka yakhih katwa i yaklam dang lai ko chakhmat wei da emkaam wow yaichah.
Discussion about this post