Mynjur ka sorkar yaka Meghalaya Residents Safety and Security (Amendment) Bill, 2020

Shillong: Ka dorbar ka sorkar Meghalaya ynne ka sngi da mynjur ko yaka Meghalaya Residents Safety and Security (Amendment) Bill, 2020.

Ya kani ka Bill da mynjur hadien ka yatai hapoh ka dorbar heipor ka Adjournment Motion wa wanrah da ka liang pyrchah ka Congress heiwa ka MLA ka East Shillong, ka Ampareen Lyngdoh da kylli ko ileh wa ka sorkar da wanrah ko ini i pynkylla iwa daw wanrah chooh chooh yei kulmar.

Da boh ko yaka Clause 1 ka Section 2 ka aiñ (Principal Act) heiwa daw booh noh ki kyntien “relatives or members of family”.

Katkam kani ka Clause i ktien ‘Family’ kynthup ko ya u kurim, ka kurim, u khon, ka khon, ka/u payu wa ki diah, u papun, beipun, ki khon ksu, ki khon nah, ki payu para ka bei namo u pa.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ka Ampareen da ong ko kammon ha ki thaw psiah (Point of entry) u chim pyrtuid ya kiwa psiah chapoh ka jylla wei kammon u pynsakhiat ya kiwa emyatoh wa ki. Da kylli ko leh wa kammon u leh haki thaw wa ym em waheh chnong kammon u pynkrehkaam yaka MRSSA.

U montri rangbah u Conrad Sangma da ong u wa ka sorkar da dep jied ko sa iwi i thaw yow chna yaka Entry/Exit Point ha Umling Ri-Bhoi wei kani toh ka thaw sorkar.

“Nachwa i thaw wa da jied nyngkong u chongdor i hadooh T. 100 klur wei wow chna saka yung krehkaam daw chongdor ko sa kamwa T. 50 hadooh T.60 klur,” da pyntip u Conrad.

Heiyatoh won waka Online Registration ya kiwa wan uiñke, u montri rangbah da ong u, “Emkaam i wow em kattæ ka rukom chim pyrtuid ya kiwa wanke chapoh ka jylla i wym pyndik yaki khamtam ya kiwa wan uiñke suwari.”

Ka Meghalaya Residents Safety and Security (Amendment) Bill, 2020 u yaleh ko wow booh yaki kyndon yow kdoh u khoom yei wan kiwa na baar kamjooh kiwa chong yungwai hapoh ka jylla.

Kani ka Bill ong ko wa kiwon kiwon kiwa thmu wow sah palat 48 kynta hap ki wow bood yaki kyndon ka aiñ.

Ini ym em mut ko ya waroh hi wot kam ya kiwa chong chnong pura ka jylla wa kiwa ha yung ha sem yong ki katkam wa da kdaw haka (i) Section 2 ka aiñ wa kynthup leh yaki Members of Parliament, Members of State Assemblies, members of judiciary, ki wakreh waka sorkar jylla kamjooh ka sorkar pyrdi, ki wakreh hapoh ka board, corporation, society, organization lane agency, kiwa pynlai daka sorkar (jylla/pyrdi) waroh kawi namo chibynta, ki medical practitioners, lawyers, chartered accountants, architects, attorneys, engineers, consultants ka kiwi kiwi kiwa daw pynbna na ki por cha ki por.