Ka Election Committee yong ka UDP West Jaiñtia kawa da chong yachem ynne ka sngi da yoh pdiang ki ya ka Application u Lahkmen Rymbui kam u kyrtong ka UDP heiwa ka District Election Committee da mynjur ko yei pyrtuid u Lahkmen kam u kyrtong ka 7-Amlarem Constituency wei da phah yei pyrtuid u cha ka State Election Committee.
Heiyatoh won wa ka 3-Raliang Constituency kawa da em arngut kiwa da paan Ticket kitæ u Shemhok Garod wa u J. Treilang Suchiang, da phah pyn-ar i pyrtuid cha ka State Election Committee ka Party deilang wa ka Observer Report.
Kam wow pynkynmoo wa ka UDP da dep ko wow thung ini wa dep ya ki Observer yow lai thooh bniah chaphang kini ki arngut kiwa paan Ticket yow tip uwon uwa em laad wow jop yow ye u chim ya i rai.
Puræ leh: Paan Ticket u Shemhok Garod wa u J. Treilang Suchiang na Raliang, thung ka UDP da ki Observer
