Ka Ministry of Defence ka India da pyntip ko waka yaklam kawa 14 hapyrdi ka India-China Corps Commander Level da pynman ha Chushul-Moldo i thaw khappood heiwa ka yalang da pynman cheiliang ka China ha ka 12 tarik uni u bnai.
Kiwa mihkhmat ka chnat yada waka chnat karbar wa kiwi ri da emlang ki na waroh arliang.
I yaklam da man i iwa yillu hajrong ki kaam wa em hakhmat dooh ha ki bynta ka LAC ka Western Sector.
Waroh arliang da mynjur ki wow bood yei yahluti kiwa yahkhmat ki ri wei wow kreh yow pynbait smat yeiwa dang sah.
Da chem leh wa deiwa leh kamni daw yarap ko wow wanrah yei suk i saaiñ tymbud u LAC ha ka Western Sector yow wanrah yei yaklam hapyrdi ki ar ri. Da mynjur leh wow pynkhlan chooh chooh ya iwa da mih na iwa da yachem chwa wei wow yaleh chooh chooh u pynskem i long i man ha Western Sector wa kynthup hei por tlang.
Ki arliang leh da mynjur ki wow yajan wei wow pteiñ u yaklam para chipai kamjooh kiwa mihkhmat ka ri yow poi cha iwa hunlang da waroh arliang khlem pynslem de.
Da pynkut deiwa rai wow pynman ya kani ka jooh ka yalang ha ki por wa daw wan.