Mynjur kiwa sikai ka NEHU wow pynkrehkaam noh ya ka NEP nadooh myntu u snem

Kiwa sikai hapoh ka lama ka NEHU Teachers Association (NEHUTA) da ya mynjur ki wow ya krehlang noh waka North Eastern Hill University (NEHU) yow pynkrehkaam ya ka National Education Policy (NEP) 2020 nadooh myntu u snem 2023-2024.

Kani ka rai da mih na ka yalang wa jhan wa pynman da ka Academic Council ka NEHU kawa da pynman ynne ka sngi.

Ha kani ka yalang ka Academic Council yong ka NEHU, ka MCTA kawa da pyrchah joor yei rai yong ka NEHU wow pynkrehkaam ya ka NEP 2020 neibynta ki Four Year Undergraduate Programme (FYUP), ym em da wan ki wei katkam ka khubor da khana wa ini wym poi ka MCTA toh hadien wa ka samoi krehkaam ka Executive Committee da kut noh ha u Naikhynde uni u snem.

Hawa klam hadien ka yalang yong ka Academic Council, u President ka NEHUTA, u Prof. Lakhon Kma da pyntip u wa waroh kiwa sikai College da pdiang ki kattu wow pynkrehkaam noh ya ka NEP katkam wa da pynbna da ka NEHU rap nachwa wa yaka NEP u krehkaam noh nadooh uni u snem 2023-2024.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Da pyntip u wa ini i mynjur da mih hadien wa u Vice Chancellor ka NEHU da pdiang u wa da lai lait u ya ka Academic Council wow chim rai samen wow pynkrehkaam ya ka NEP nadooh ka 1 tarik u Naisaphra 2023.

Neiliang u Prof. Lakhon da pyntip u leh wa ka Academic Council daw chong yalang biang ha ka 31 tarik uni u bnai yow pyrkhat hajrong kammon u pynlai chakhmat ya ka NEP wei leh wow yaklam hajrong ki Syllabus wa ki Exam yong ki khynroo khyllood wa lai puræ katkam kani ka Policy wa thymme.