U President ka ri India u Ram Nath Kovind da mynjur u ya i pynkylla (Amendment) wa wanrah daka Union Cabinet yaka The Epidemic Diseases (Amendment) Ordinance, 2020 ka wow pynkrehkaam yaki kyndon pynchitom wa khor ya kitu kiwa tba kta, kiwa dat wa bom ya ki wakreh haki kaam i chait i khiah namo ki Health Workers.
Ha kini ki sngi wa dep da mih ki khubor wa chah ktah kti hadooh wa chah kawang moo ki wakreh Health heipor wa leh ki yei kaam yong ki heiyatoh wa ka khlam COVID-19.
Deiwa yoh yeini i mynjur na u President, ki kyndon thymme toh kiwa da krehkaam chisynson kiwa ong wa iwon iwon i jia iwa pynmynsoo nadooh kiwa pynthut ha i por wa em ka khlaam yaki wakreh haki kaam wa yatoh wa i chait i khiah daw chah kset patok ym duna 6 bnai iwa ye u pynku hadooh 7 snem ka kuna wa ym duna T. 1. Lak kawa ye u pynku hadooh T. 5 lak.
Ki kaam wada ye u chah pynchitom toh ki bru wa pyndik yei im ki wakreh Health, kiwa khang yaki wow leh yei kaam yong ki, u pynmynsoo, u maham yaki haki thaw sumaar kamjooh cha kiwi ki thaw.
U chah pynchitom leh lada em kiwa pynsih pynpra yaki kot ki sla, ki thaw ki bhaw, ki yung ki sem wa yatoh wa ki wakreh Health.
Ki bru wa emkti ha kini ki kaam pyrchah ya ki wakreh Health ym yoh ki leh yaka jamin manda chah kem ki.
Discussion about this post