Jowai : Ha ka dorbar mang tyngka yong ka Jaiñtia Hills Autonomous District Council wa da man ynne ka sngi, u MDC yong ka Jowai North u Marki Mulieh da wanrah u hadooh 23 tylli ki phang kylli.
Kawi na kiwa kongsan dooh toh hei yatoh wa i chna pyndep ya ka Shopping Complex ha Iawmusiang, Jowai.
Ka jubab na u Executive Member Inchagre u Holando Lamin, da ong u wa kamwa man katni dang sangeh i wei dang yang sa ya ka 2nd Installment wei du manda yoh ya ka u ye biang u sdang yei kreh.
Da pyntip u leh wa ka Executive Committee da booddien ko yeini wei da lai ki leh chadooh Delhi hei yatoh wa ini.
Chooh chooh u Lamin da ong u wa ha kini ki sngi wa dep ki bru na ka DONER da wan ki wow sylli ya kani ka yaaw wei kyrmen ki wa daw pyllait noh ya kani ka poisa.
Also Read: Wan sylli u Superintendent Engineer ka DoNER ya ka Iawmusiang Shopping Complex
Discussion about this post