Mynried daw wanrah ko yei eh ya ka sorkar MDA lada ka NPP ym yakrehlang ko wa ka UDP ha JHADC: UDP Mowkaiaw Circle

Jowai: Kiwa kyrchaan ya ka party UDP Mowkaiaw Circle da pynsñiaw ki mynsien wa khia hajrong ki kynrum kynram hapoh ka Jaiñtia Hills Autonomous District Council (JHADC) man la ki por.

“I kyntu joor i ya u khliehdooh ka NPP, u Conrad Sangma wow phah ya ki MDC hapoh JHADC wow yakrehlang ki wa ka UDP wa BJP kamwa yakrehlang ha ka sorkar Meghalaya Democratic Alliance (MDA) khnang wa kani ka sorkar u skem chooh chooh i ya man lok i wow neh sa san snem,” da ong u Eleazer C Dkhar President UDP Mowkaiaw Circle deiwa ong wa ini daw wanrah ko yei eh ya ka sorkar MDA wa yahkhmat da ka NPP lada ym yakrehlang ko wa ka UDP ha JHADC kamwa yakrehlang ha ka sorkar MDA.

Da kyntu ya u Conrad wow phah ya ki MDC ka NPP wow yakrehlang wa ka UDP hapoh JHADC khnang wow ye u wanrah chiboon ki kaam pynroi ha ka imlang sahlang.

Heijooh i por da kyntu ya ka sorkar MDA wow yaklam wa ki bor wa hajrong wow chna noh ya ka aiñ hapoh District Council kam ka ain Anti Defection neibynta ki MDC kamwa kreh ko ya ki MLA khnang wa ki MDC ymyoh de ki wow leh katwa ngait.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Chooh chooh da ong wa ini booh ko hei ma ya ki Party waroh hapoh ka jylla jong lada ym em aiñ wow kdoh ya ki MDC neibhah i wym em kani ka aiñ mih i awri awra hapoh ka Council dei langær.