Ynne i step ha Bandra Terminus Railway Station, ka sorbah Mumbai da em 9 ngut wa mynsoo nei chah yooh hei toor wei yaknieh syndet ki paidbah ha kani ka Station rel.
Ini da jia i ha Platform No. 1 heiwa ki bru da yaknieh ki wow ku ha ka Bandra-Gorakhpur Express.
Ar ngut na kini da mynsoo joor ki wei kitæ kynthup ki ya u Noor Mohammad Shaikh (18) wa u Indrajith Sahani (19) wei da chah sumaar ki ha Bhabha Hospital.
Neiliang ka Western Railway da takit ki yeini i daw wa jia i khynnia wei yaknieh ku rel.
Khnang wow pdiang ya ka Diwali wa Chhath Puja ka Indian Railways da pynkhreh ko hadooh 130 tylli ki rel wa kyrpang wow lai cha Uttar Pradesh wa Bihar wei kiwa boon toh kiwa liwan yung ha kini ki por chuti.
Katkam wa pyntip da ki bru ka Western Railways, heipor 2:30 i step synyaaw da wanrah ya ka rel cha kani ka Platform tangwa da em ar ngut wa ku ka heipor wa dang lai chwa u poi ha Platform wei da mynsoo ki.
Ki paidbah won manda yoo ki ya kani ka rel da yaphet ki yow yaknieh u psiah iwa da poi cha i mynsoo.
Discussion about this post