Shillong: Ynne ka sngi heipor kamwa 12:50 pyrdi sngi da em i ya tyrrah kari ha Mawlai Mawiongrim heiwa hadooh 17 ngut ki bru da mynsoo ki heiwa da em le tylli ki kari ha kani ka yatyrrah kari kiwa da chah ktah wei da jia i neidaw wa yah kari khlem akor uwa yah ya ka kari samen (Maruti Ertiga) kawa em ya u number ML 05 N 4205.
Katkam wa pyntip u SP ka East Khasi Hills, u Davis N R Marak da ong u wa i yatyrrah kari da jia i heipor wa ka kari Ertiga kawa wan na Guwahati cha Shillong manda poi ko heitai i thaw uwa yah ya kani ka kari da pynhær bha u yow chim pass ya kawi ka Truck kawa em ya u number ML 05 6994 tangwa heitai i por da mih sa kawi ka Bus kawa wan mar pyrchah wei uwa yah kari ym ye de u yah ya ka kari wei da lai tyrrah u cha uwi u chrot bordiñ.
Uwa yah ya ka Bus heipor wa pyrchang u lait u tyrrah ya ka kari Ertiga da tyrrah u ya ka truck wa wan mar pyrchah.
U SP da pyntip wa i number kani ka Bus toh ML 06 3370 wei da em 17 ngut kiwa mynsoo heini i yatyrrah kari.
Da pyntip u leh wa ya kiwa mynsoo da pynkit cha Shillong Civil Hospital wei napyrdi ki 17 ngut kiwa da mynsoo 6 ngut na ki da haap sah Hospital ki wa kynthup ya ki le ngut ki kynthai wa le ngut ki chynrang.
Discussion about this post