Skem ka sorkar MDA hanlada rem ka NPP ha Ampati: Conrad Sangma

Shillong: U Montri Rangbah ka jylla, u Conrad K Sangma da ong u wa ka sorkar MDA kawa yahkhmat da ka NPP u neh bait ko wei ym em iyi iyi leh i syer mynsien neidaw wa chah pynrem ko ha ka Election chiteiñ samoi ha Ampati.

Hawa yaklam ynne ka sngi wa ki laad pathai khubor, u Conrad da ong wa i chah pynrem ka NPP ha ka Election ha Ampati pynyoo ko leh yei ku ka party chiboon na iwa da dep. Da ong u wa iwa maa toh ya ka Congress kawa da dep jop 8 hajar tam tangwa ha kani ka kynti da hiar ko cha ka 3 hajar vote.

Da ong wa ym em jop suk ka Congress ha kani ka kynti hanlada man ko ka Constituency kawa da ksoh u Dr. Mukul Sangma la 6 sien kam u MLA.

Ka NPP da ku i yoh Vote ko hadooh 5 hajar na iwa yoh ko nachwa katwa ka Congress da hiar ko.

U Conrad da pyntip u leh wa daw yakhun u ya ka Election chiteiñ samoi na ka Constituency kawa daw pynbna u ha kini ki sngi yow pteiñ u man kam u Montri Rangbah ka jylla. Ya ka tarik daw pynbait da ka Party wa kiwi kiwa yahkhmat.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Da kyntait u wa i chah pynrem ha Ampati da pynma ko ya ka NPP deiwa ong wa ka sorkar ka skem bait ko neidaw wa em ko 38 ngut ki MLA wei waroh skem ki.

Da kyntait u leh yei kam u Dr. Mukul Sangma wa kani ka sorkar daw haap ko deiwa ong wa ini toh i kam yong oo neibhah wa ha ka synchaar paidbah ym em wow khang ya oo.

Da ong u leh wa ka sorkar da booh thong ko wow kreh borbah wow pynsmat ya ki kaam pynroi cha ki paidbah wei i lai yong oo cha ki montri cha Delhi ymtoh wow lai uiñke tangwa yow paan poisa neibynta ki kaam pynroi ha kani ka jylla.