Jowai: U Narendra Modi daw baam smai u kam u montri rangbahdooh ka ri kawa man leh ka sien wa ar ya oo.
Daw pynbaam smai ya u Modi mynstep da u President ka ri u Ram Nath Kovind wei daw em leh ki Union Council of Ministers haka yalang wow pynman ha Rashtrapati Bhavan heipor 7 waje i miet.
Da khut sñiawbha leh ya ki heh ki ri wa em hapoh ka Bay of Bengal Initiative for Multi-Sectoral Technical and Economic Cooperation (BIMSTEC) wa kynthup yaka Bangladesh, Myanmar, Sri Lanka, Thailand , Nepal wa Bhutan wow wan sakhi ya kani ka baam smai.
Daw em leh u Mauritius Prime Minister wa u President ka Kyrgyz Republic.
Da khut leh ya waroh ki montri rangbah ki jylla hapoh ka ri deilang wa ki Governor wei waroh kiwa chah khut sñiawbha da poi ki kamwa 8000 ngut.
Discussion about this post