Mynstep u pynbna ka BJP ya ka thup wa nyngkong ki kyrtong yong ka ha Meghalaya

Jowai: Ynne ka sngi hawa yaklam wa kiwa pathai khubor ha Jowai, u Vice President ka BJP Meghalaya, u David Kharsati da ong u wa ka party daw pynbna ko ya ka thup wa nyngkong yong ki kyrtong yong ka mynstep ka 24 tarik.

“Kani ka thup daw em ko kamwa 20 ngut ki kyrtong ki yong ka party” da ong u David.

Da pyntip u leh wa ka party daw pynbna ko ya ka thup wa ar hadien soo san sngi katwa ya ka thup wa le nawon daw pynbna ko hadien ini.

Hei yatoh wa ka thup wa nyngkong da ong u wa kani ka thup u man ko ka thup heiwa da em samen donhi u kyrtong wa paan ya ka ticket ka party, ki thup wow bood won kiwa em ar namo le ngut ya kiwa daw sylli bniah bha ka party.