Ka Election Commission of India ynne da pyntip ko wa mynstep ka sngi u pynbna ko ya ki tarik pynman Election Lok Sabha wei kamjooh yong ki jylla wa daw pynman ya ki Election MLA.
Yeini daw pynbna ha Plenary Hall, Vigyan Bhawan, New Delhi heipor 1:30 i sngi.
Ha ka Election Lok Sabha da em 543 tylli ki Constituency wa daw yakhun heiwa ha ka BJP da dep kob ko wow jop palat 400 tylli ha uni u snem heiwa ha u snem 2019 samen da jop ko ha 303 tylli wei deilang wa ki lok ko hapoh ka sorkar National Democratic Alliance (NDA) da em ki 353 ngut ki MP.
Ha u snem 2019 da yoo leh yei haap ka Congress kawa da jop du 52 ngut ki MP tangwa kattæ won ki Party wa em ha ka Liang Pyrchah da sdang ki da ka INDIA Bloc yow ya krehlang u yabhah ya ki Constituency deiwa pynyieñ uwi u kyrtong yow yaleh pyrchah waka BJP.
Waroh kiwa daw thap Vote MP hapoh ka ri da em ki awjan 97 klur ngut katkam wa da pynbna da ka Election Commission.
Ki jylla wa daw pynman lang yaka Election MP wa MLA toh ka Andhra Pradesh, Sikkim wa Arunachal Pradesh.
Discussion about this post