U Montri Rangbah ka jylla, u Conrad Kongal Sangma da pyntip u wa ka sorkar mynstep ka sngi daw pynbna noh ko ya ki thaw wow booh ya ki Border Outpost neibynta i chngaaiñ kiwa chong chnong ha khappood.
Ya ini u Conrad da pyntip u ynne hadien ka yalang wa da khut wa ki seiñ sainpyrthai kiwa em ha ka jylla yow yaklam hajrong i jia ha Mukroh ha ka tayaw wa dadep.
U Conrad da khana u leh wa ka sorkar da pynkut ko yei khang ya ki Mobile Internet, wei i lai i wan waka jylla Assam leh da sdang biang nadooh ynne ka sngi ha ryngkat i pait ki pulit.
Hawa yatoh waka yalang wa ki seiñ saiñpyrthai ka jylla, u Conrad da khana u wa ka sorkar da chimkhia ko yei e yumut yong kiwa yahkhmat wa wan cha katai ka yalang. Da khana u leh wa ka sorkar da batai bniah ko ki luti wa da chim hadien i jia ha Mukroh wei da khana leh ya kiwi ki laad kiwa da thmu wow chim khamtam hawa yatoh wa i booh noh ya ki Border Outpost ha ki thaw wa chong sier ki paidbah khappood.
