Ynne ka sngi ka Synjuk Waheh Chnong Jowai, da rai ko wow khang noh ya ka Iawthymme kawa man ka yong ka JHADC nadooh mynstep ka 8 tarik kat hadooh wa da kyrriah da pynkhooid lut ya i jhep na kani ka yaw.
Hawa yaklam wa u Eveningstar Teron uwa man u Executive Member ka JHADC wa pait ya ka chnat Yaw, da ong u wa ka yung krehkaam yong oo da yoo ki yeini i chem chitom ki paidbah ha kani ka yaw na i jhep ha ini i thaw wei da thooh ya ki laad ki luti wow leh yeiwa emkaam.
Da pyntip u leh wa mynstep ka 8 tarik katwa ye daw pynkhooid lut ya ini i jhep ha kani ka yaw wei daw noh ya ini i jhep ha i thaw wa noh ka Jowai Municipal Board ha Thadmusem.
Heijooh i por da kyntu u ya ki paidbah wow man kiwa krehlang kamwa mynstep ka Synjuk Waheh Chnong Jowai da rai ko wow khang ya ka Iawthymme wei ka yung krehkaam yong oo leh u ye ki wow pynkhooid ya ini i jhep mynstep ka sngi neibynta i bha i miat ki paidbah.
