U Prestone Tynsong uwa man u Symbood Montri Rangbah ka jylla da ong u wa i eh i khoo ya ka sorkar wow pynkhooid ya i jhep na chnong Jowai toh neidaw wym yoh thaw, wei wa i rukom ksoh ya i khyndaw ha ka jylla rap phær i wei chwa wa ka sorkar thmu ko u leh iwon iwon i kaam emkaam yei mynjur na ki tre thaw wa ki dorbar chnong kamtæ ter ter.
Da kyntu u ya waroh kiwa embynta wow chim lang i kitkhlieh neibynta wow pyndooh yei eh i khoo.
Ha iwi i liang u Prestone Tynsong da ong u wa da yaklam u leh wa u Montri ki kaam Pynroi Sor, u Sniawbhalang Dhar u wow lai mynstep (5 tarik) cha Jowai wow pynbait noh ya ini i kaam.
Heijooh i por da ong u wa ka sorkar da man ko kawa smat wow su neibynta ka bai thaw, tangwa hadooh katni ympu yoh ko yei thaw.
Da ong chooh chooh u wa i thaw hi man iwa emkaam neibynta wow noh wei wow pynkhooid ya i jhep wei da kyntu u leh ya ki paidbah wow man kiwa yaichah.
