Na ka 24.49% kiwa tip u puræ puthi cha ka 80% katni ha Meghalaya

U Montri Rangbah ka jylla, u Conrad K Sangma ynne da ong u wa ki khynroo khyllood man ki kiwa kongsan bha ha ka jylla wei ka sorkar u yaleh ko u pyntikna ko wow yoh myntoi bha ki. 

Da ong u wa toh i kaamram ka sorkar wow pyntikna wa ki khynnah u lai ki ha ka luti wa biang wei ka sorkar ym pyrkhat ware ko wow synchaar deiwa wanrah ki Scheme donhi neibhah ini man ko i rukom pyrkhat iwa bakla wei lada pait cha ka Scheme, daw kwah donhi u pynkrehkaam ya ki tangwa ymtip yei daw wa pynkrehkaam ya ka Scheme kamtæ da booh ya ki khynroo khyllood hakhmat manda chim ya iwon iwon i rai.

U Conrad da ong u wa toh i kaamram yong waroh wow embynta ki wow pyntikna wa ki khynnah wa ki khynroo u yah ya ki ha ka luti wa biang, wow man ki kiwa kreh chitom, wow ngaitsneiñ, wow tieñ ya u Blai wei yeini da ong u ha ka lehwarom dap 50 snem ka Meghalaya Board of School Education (MBoSE).

Ka lehwarom wa le sngi ka MBoSE kawa kut ynne da emlang u Montri ka chnat Puræ Puthi, u Rakkam A Sangma, u Chief Secretary u D.P. Wahlang wa kiwi kiwi.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Da ong u wa ka Meghalaya man ko ka jylla wa khian bha hapoh ka ri lada nujork wa ka Uttar Pradesh; wei khnang wow man ko ka jylla kawa man kawa jop emkaam wow pynmih ya ki khroo pyrkhat kiwa ye wow wanrah ya i roi ha ka jylla deiwa pynrap wa ka thong hi toh wow man kawi na kiwa hakhlieh na 10 tylli ki jylla ka ri.

Da yaroh u ya ki bru wa ki heh ka jylla wa da sdang ya ka Board ha u 1973, neibhah man ko ka jylla wa dang sdang wot hadien wa phiah ya ka na Assam wei ynne dapoi cha u moomær wow lehkmen yei dap 50 snem.

Heiyatoh wa i eh i khor ha ka puræ puthi da ong u wa ymtoh wow randien tangwa emkaam wow tia chaphrang wow pynjanai ya ini i bynta khnang wow man ka puræ puthi hapoh ka jylla kawa ha khlieh dooh ha ka ri. 

U Rakkam A. Sangma, da ong u wa ym em kawi wot ka luti wow pynbha ya u bru lait na i puræ puthi wei kyrmen u wa hapoh i yahkhmat u Montri Rangbah daw ye u pynkylla ya i puræ puthi ha ka jylla.

U D. P. Wahlang, da ong u wa ka luti ka MBOSE man ko kawa da slem lakam ka yalehbol wa jrong heiwa ha kylla step da ye u pynkylla dur ya ka ha u 2006 nadooh wa sdang ya ka ha u 1973 wei katni ha u 2023 da ye wow lehkmen yei dap 50 snem.

Kawa nyngkong dooh ka exam ka MBoSE toh ha u 1974 wei em 3800 ngut kiwa yakhun ya ka tangwa katni da kynjoh 80,000 ha ki Exam SSLC wa HSSLC.

Chooh chooh da ong u wa ka Literacy Rate namo kiwa tip u puræ puthi da kylla bha ko na ka 24.49% cha ka 80% hadooh katni wei em na ka 40-50 tylli ki sur cha ka 2923 tylli ki skur wa tipmit ka MBOSE heiwa 1866 tylli toh ki Secondary School wei 421 tylli toh ki Higher Secondary School.