Shillong: Chi bynta na i pynkhreh ya ka Election MLA 2018, ka United Democratic Party (UDP) da rai ko wow pynman ya ka yalang paidbah namo ka rally ha ka 11 Duyatra (January) ha Shillong wei ha kani ka yalang daw pyllait paidbah leh ya ka kot lakdop wow em ya ki phang krehkaam ka seiñ wa tip leh kam ka Manifesto ka party.
Ya kani ka rai da chim ha ka yalang bah wa da pynman ynne ka sngi ha Shillong heiwa da yaklam neibynta ki kaam wa boon yong ka seiñ wei kammon u pynkhlan ya ka ha kani ka Election wow wan ha u 2018.
Ha kani ka sngi ka UDP da pynbna ko leh sa le ngut ki ki kyrtong kiwa kynthup ya u Lahkmen Rymbui na Amlarem, u Donbok Khymdeit na Mawhati wa u Sangal Sangma na Dalu.
Ka wi na ki rai ka UDP toh wow dawa na ka Election Commission of India (ECI) wow pynemkaam biang da ka Ballot Paper heithaw ki kor EVM.
Da ong wa ka UDP pyrchah joor ko yei pynemkaam ya ki ki EVM neibhah wa kini man ki kiwa chna da u bru wei suk bha u chna ya ki deiwi tawon wow leh tooh leh thok.
Discussion about this post