Na ka sorkar pyrdi paan yarap u Sanbor wow pynjanai ya i kaam psan mrad ha jylla

U Montri ka sorkar jylla uwa pait ya ka chnat Animal Husbandry and Veterinary, u Sanbor Shullai ha kani ka 27 tarik da yachem u ya u Montri ka sorkar pyrdi uwa pait ya ka chnat Animal Husbandry and Veterinary, u Purshottam Rupala ha Krishi Bhawan, New Delhi heiwa u Sanbor da e khublei kyrpang u ya kani ka chnat ka sorkar pyrdi kawa da e yarap lyngba ka Scheme Rashtriya Gokul Mission wa ka National Livestock Mission.

Neiliang u Sanbor da ong u wa ka Scheme wa tip kam ka Livestock Health and Disease Control (LHDC) heiwa ka jylla da yoh poisa ko ha kini ki ar snem wa da lai heiwa neibynta u 2021-22, ka sorkar jylla da mang ko wow paan yarap T. 2669.54 lak.

Chooh chooh neibynta u 21-22 da mang kyrpang neibynta wow pynkhlan ya ka chnat kam ki Veterinary Hospital & Dispensaries (ESVHD), ka e yarap lyngba ka Assistance to States for Control of Animal Diseases (ASCAD) wa ka Classical Swine Fever – Control Programme (CSF-CP); kiwa man ki le bynta wa emkaam bha ha ka jylla neibynta i kaam psan mrad.

Da ong u leh wa deiwa yoh yarap, neiliang ka chnat daw myntoi bha ko khamtam heiyatoh wa ka CSF-CP khamtam ya ka Meghalaya Piggery Mission.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Heijooh i por da ong u wa waroh ki Utilisation Certificate yong ki song poisa yong u snem 2019-20 wa 2020-21 leh dadep phah cha ka sorkar India.

Da kyntu u leh ya u montri ka sorkar pyrdi wow chimkhia ya kini kiwa man i emkaam wa khroo ya ka jylla Meghalaya.