Ka Bahratiya Janata Party (BJP) 19 North Shillong Mandal ynne ka sngi da e burom ko ya ki 658 ngut kiwa kreh mylla kiwa kreh ya ki jait kaam waphær waphær nadooh kiwa khih nongsngi, kiwa kamai kari, kiwa kreh Anganwadi, ki ASHA wa kiwi kiwi ki kaam khian kiwa chong chnong ka South Shillong Constituency.
Ya ini i pynkup burom da yahkhmat da u MLA ka thaaiñ uwa man leh u Montri ka sorkar jylla, u Sanbor Shullai chirup wa kiwa pynlai chnong ka Laban Pyllun.
Ha ini i pynkup burom wa da sdang da u MLA, da e kti u mar T. 2,000 samen cha ki 658 ngut.
Ha i klam wa tbian ha ka yalang wa pynman ha U Soso Tham Auditorium, u Sanbor da ong wa kini kiwa kreh toh kiwa kreh neibynta ka imlang sahlang, tangwa sñiawsih wa boonsien ym jooh em kiwa tipmit ya ki deiwa pynrap wa khlem ki ye wow pynkiñ ya ka jylla khamtam i long man ha ka chnong ka thaw.
Heiyatoh wa i yarap u da ka song poisa, u Sanbor da ong u wa ka poisa kawa da pynlang u toh naka tulop yong oo wa kynjoh palat T. 14 lak, wei ha u snem wow wan daw e u rap boon i yrarap.
