Uwa yahkhmat ka BJP uwa man leh u MLA ka South Shillong Constituency, u Sanbor Shullai hadien wa dadep u wow lai pait yei long i man ha khappood Meghalaya-Bangladesh, ynne i janmiet da lai u sak cha ka yung u Lat ka jylla, u CH Vijayashankar yow pyntip yei long i man wei wow pynthikna wa ki paidbah ha khappood u yoh ki yei chngaaiñ.
U Sanbor da khana u ha u Lat wa kamwa man kattæ ki paidbah ha khappood chong suk chong saaiñ ki, tangwa da pynsñiaw u leh wa ym ye wow tip iyi won wow jia chibet næ mynstep, kamtæ da kyntu u ya u Lat wow chimkhia neibynta wow yaklam wa u Defence Minister ka ri, u Rajnath Singh wa kamjooh wa u Home Minister, u Amit Shah.
Da ong u wa neiliang u Lat kam uwa kit ktien syiem yong ka sorkar pyrdi da kular u wow yaklam ya ini i kaam wa ka sorkar India yow pynkhlan ya ki bor yada khappood.
Discussion about this post