Na ki 123 ngut wa da dep test, ym em kiwa yoh COVID-19 hapoh Meghalaya

Shillong: U Symbood Montri Rangbah ka Meghalaya, u Prestone Tynsong da pyntip u wa da em 123 ngut ki bru ha ka jylla kiwa da pyndep ya ki Test, wei katkam wa man hi hadooh ynne ka sngi ym em na ki wa yoh ya u COVID-19.

U Prestone da ong u wa ka sorkar jylla ym em u kheiñstiñ ko hadooh ynne ka sngi wei uni u khñiang ym em u hapoh ka jylla, deiwa pynrap leh wa ka sorkar da man ko kawa da pynkhreh wow yakhun pyrchah ya uni u khñiang.

Da pyntip u leh wa da booh hadooh 5 tylli ki COVID Centre ha sor Tura wa ha Shillong wei kini kynthup ki ya ka IIM Shillong, MATI Mawdiangdiang, NIIT ha Dhakheti Shillong, Pastoral Center Tura wa ha SMELC Tura.

Related posts

Lada ym biang u Captain wa yah jhaad daw pynngam u ka, ong u Charles Pyngrope ya ka Congress

August 16, 2025

Yieñ ki kari syad dor ha JHADC tangwa yeiwa emkam dooh wei ym yoh poisa

July 24, 2025

Neiliang won u Commissioner & Secretary ka chnat i chait i khiah, u Sampath Kumar da ong u wa hadooh katni ya kini ki 123 ngut wa da dep sylli da booh ya ki chi sngi ha ki thaw wa kyrpang hadooh wow yoh ya ka report, wei da ong u leh wa katkam wa man katni dang yang ya ka report ki 8 ngut ki bru kiwa em ha ki thaw sumaar wa da pynkhreh kyrpang.