Jowai: Hadooh ka chiteiñ sngi i ñiaw Vote, hawa kyruiñ cha ki jylla ka thaaiñ mihsngi kiwa em 25 tylli ki Lok Sabha Parliamentary Seat, ka BJP da tam ko ha ki 14 tylli.
Haka jylla Arunachal Pradesh kiwa em ar tylli ki Seat ka BJP da tam ko ha waroh ar heiwa haka Arunachal West u kyrtong ka BJP u Kiren Rijiju da yoh u 62% ka Vote.
Ha Assam kawa em 14 tylli ki Seat ka BJP da tam ko ha ki 9 tylli, ha Manipur na ki ar tylli da tam ko haka wi katwa ha Tripura da tam ko ha waroh ar.
Ki jylla wa ym em tam ka BJP toh ka Sikkim, Nagaland, Mizoram wa ha Meghalaya.
Discussion about this post