Kam chibynta wow sdang ya ka Meri Mati Mera Desh kawa man leh kam ka lehkmen wow pynkut ya ka Azadi Ka Amrit Mahotsav namo i pynyoo yei mynsien chit rhem yei yoh laitlooid ka ri, neiliang ka BJP Meghalaya hei yahkhmat u State President, u Ernest Mawrie da lai ki cha Laitkor, Lumheh, EKH deiwa emlang ka Nongkrem Mandal namo ka seiñ kynthai ka Party.
Na kani ka chnong da khat yei khyndaw wei kamjooh leh daw lai khat khyndaw na kiwa boon ki chnong wa em ha ki Block yong waroh ki District ka Meghalaya.
Kani ka Meri Mati Mera Desh man ko leh kam chibynta wow kynmoo warom ya kitu kiwa da yaleh yow yoh laitlooid kiwa man ki khon ki chnong ki thaw wa em ha waroh kawi ka ri khamtam ya kitu kiwa da e syndon yei mynsien wei ini toh yow wanrah yei mynsien sarong ha uwi pa uwi u chong chnong ka ri wa katni kamjooh yow pynchlur ya ki juk wa daw wan wow yada yeiwa em hapoh ka ri India.
Ya kini ki khyndaw wa da khat da pynlang daw rah ya ki ha ki kchu da ki bru wa da jied kam chibynta ka Amrit Kalash Yatra yow pynpoi cha Delhi wei daw pynlang ki waroh hapoh ka Amrit Vatika kam i dak wa pynyoo wa ya tylli ka ri.
Discussion about this post