theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Na Uttar Pradesh yoh kem ki pulit ya u Bernard Marak

Hadien soo sngi wa lai kynreh ya ka Farm House u Bernard Marak kawa tip kam ka Rimpu Bagan wa em ha Edenbari ha Tura, ki pulit da yoh ki wow kem ya u Bernard uwa man leh kam u Vice President ka BJP Meghalaya wa u MDC ka Tura na Uttar Pradesh ynne ka sngi.

Ya u Bernard da yoh wow kem da ki pulit na Hapur District ka Uttar Pradesh hadien wa pynman yei pynsageh kari da ki pulit ka UP.

Advertisement ad1

Yeini da pyntip da u SP ka West Garo Hills, u VS Rathore uwa da ong leh wa da phah ya ki pulit ka Meghalaya yow wanrah ya u Bernard cha Tura.

Kam wow pynkynmoo wa ya u Bernard da pynngat ha ka takit ka Tura Women PS Case No. 105(07) 2022 hapoh ki kyndon aiñ U/S 3/4/5/6/7 ka aiñ Immoral Trafficking (Prevention) Act, 1956 hadien wa chem sabut wa em ki kaam wa pyrchah aiñ wa da leh hapoh ka Farm House u heiwa ki pulit da ksoh ki hadooh 73 ngut ki bru heiwa u ka yung bichaar u Chief Judicial Magistrate da pynmih u da ka Non-Bailable Warrant yow kem ya u Bernard wei neiliang ki pulit da phah ki ya ka Look Out Notice cha waroh ki jylla ka ri.

Advertisement ad1
Share this:
Previous

2nd Division: Khlem em wa jop hapyrdi ka NSA waka Lumpariat

Next

Shillong Premier League 2021-22: Mar ar kool hapyrdi ka Nangkiew Irat waka Ryntih