Ka Ministry of Home Affairs (MHA) ka sorkar pyrdi da pynmih ko ya ka hukum wow khang noh ya u pood ka ri wa ka Bangladesh, iwa mut wa ym chah de u psiah ki nong Bangladesh chapoh ka ri neidaw u COVID-19.
Ka hukum wa da pynmih da ong ko wa daw pynsangeh lut ya i krehkaam ki Immigration Land Check Post (ICP) wa em hapyrdi ka India, Bangladesh, Nepal, Myanmar wa Bhutan nadooh 00:00 i synyaw ka 15 tarik.
Tangwa ki ar tylli ki ICP ha jylla Meghalaya, kitæ ka Dalu wa Dawki u krehkaam hi ki kamjooh kiwa em ar tylli ha Assam, ar tylli ha Mizoram, ka wi ha Tripura wa 7 tylli ha West Bengal kiwa em ha khappood waka Bangladesh u krehkaam hi ki.
Heiyatoh won wa ki Visa yong kiwa na Bhutan wa Nepal daw pynkylla neipor cheipor.
Da khang leh yei chimbynta ki bru na baar ri ha ki yaaw khappood namo ki Border Haat hadooh wa pyntip won deiwi.
U pynsangeh leh ya ka rel wa lai hapyrdi ka India wa Bangladesh nadooh ka 15 tarik.
Discussion about this post