15 49.0138 8.38624 1 0 4000 1 https://wyrta.com 300 0

Nadooh 3 snem hap lai skur, tyrwa ka Education Policy thymme ka sorkar pyrdi

0 Comments
Advertisement ad1

Shillong: Ka Draft Education Policy yong ka sorkar India da tyrwa ko wa ki khynnah toh u sdang ki wow lai skur nadooh i rta kawa 3 snem wei i hok wow yoh yei stat i tip haka puræ puthi namo ka Right to Rducation leh u krehkaam ko hadooh ka rta kawa 18 snem.

Ynne ka sngi u u montri ka chnat puræ puthi ka jylla, u Lahkmen Rymbui da khut yalang u wow phyllu yumut ya kani ka Policy chwa wa ka sorkar jylla u lai yasaaid ko ya iwa emkaam ha ka sorkar pyrdi.

Advertisement ad1

Hawa yaklam ynne ka sngi, u Lahkmen da pyntip u wa ka Draft Education Policy wa thyme daw man ko kawa wanrah ya ka kylla kawa joor bha ha ka puræ puthi ha ka ri. Da pyntip u wa nalor i thmu wow sdang lai skur ya ki khynnah nadooh ka rta kawa dang 3 snem, da phiah leh ya ka puræ puthi ha ki soo bynta, kawa mut Pre-Nursery hadooh Class-2, Class-3 hadooh Class-5 kam ka Primary, 6+7+8 Upper Primary wa 9+10+11+12 Secondary.

U montri da ong u wa hawa yatoh won waka pynbniah ya kiwa sikai namo ka Teachers Education ha kiwa man kam ki Stand Alone Institution ym emkaam de wow em ka B.Ed wei toh u pait da ki College neidaw wa ym toh wow sikai du kawi ka laiñ puræ næ Course.

U Lahkmen da ong u wa em boon kiwa da pynkylla wei kawa ktah ya ka jylla toh wow pyrchang ha ka liang ka ktien lada toh u man ko kamwa man katni namo ka Status Quo heiwa ka ktien phareng u neh bait ko ktien wow e sikai katwa ka Hindi u em ko nadooh Class 5 hadooh Class 8.

Kawi won kawa sñiaw ktah won ya kiwa khian paaid toh wa ym em kawi leh ka ktien kawa klam chaphang ki Christian Minority School. I sñiawthut leh toh yaka School Managing Committee heiwa ym em i kdaw ya ka kamram yong ka waka sorkar jylla wei daw rah ya ini cha ka sorkar pyrdi ha ka yalang kawa daw man ha chwa wow rai pynkrehkaam ya kani ka Policy.

Advertisement ad1

0 Comments

Leave a Reply