Nadooh ka 1 Naitung u pynkrehkaam noh ya ka E-Way Bill ha ka jylla

Shillong: U Montri Rangbah ka jylla, u Conrad K Sangma da ong u wa ka sorkar dang pynkrehkaam chwa ko da ka Mobile System wow pait wow sylli ya i thmu ki bru wow dam u su dan neibhah wa ka E-Way Bill u pynkrehkaam noh ya ka nadooh ka 1 Naitung (April).

Hawa jubab yeiwa kylli u MLA ka Congress na Salmanpara u Winnerson D Sangma ha yung dorbar ynne ka sngi, u Conrad da ong u wa hadooh katni ka sorkar da mang poisa ko wow booh chwa da ki Mobile System.

Yeini da leh khnang wow pait ya kiwa thmu wow dam u su dan neibhah wa katkam wa man katni dang leh dei kti ki bru heipor wa su dan neibhah wa ka GST (Goods and Services Tax) kawa dang pynkrehkaam thymme dang em i wit i thut wei dang yaleh u pynbait yeitæ.