Shillong: Ka Khasi Hills Autonomous District Council (KHADC) ka da lai ko chakhmat heiyatoh wa ka bynta wow pynbait yaka kaam ki chong dai madan ha rood sarok, harood luti ha kylleiñ ka nongbah Shillong.
U Executive Member wa pait ya ka chnat khayi pateiñ ka KHADC, u Paul Lyngdoh ynnne ka sngi, da pynbna paidbah u wa kitu kiwa chongdai madan wa kynthup ki baar jylla wa ki Khasi, toh wow wan chim Form ki nadooh ka 11 tarik uni u bnai wei wow pynpoi ya ki Form wa da dep pyndap cha ka Council chwa ka 30 uni hi u bnai.
Ki baar jylla toh wow yaleh License ki na ka chnat Trade ka Council katwa ki Khasi kiwa chong dai madan hap ki wow chim Form na ka chnat Enforcement ka Council.
I e License ya ki baar jylla wei kamjooh yow tipmit ya ki Khasi kam kiwa chong dai madan u chong ko katkam i ye wow pynbiang ya ki kot ki sla wa emkaam. Iwa kongsan dooh toh wow pyntikna wa ka thaw chong dai madan ym toh u pynwit ko yaka lai ka wan ki paidbah, ym toh leh u man ko i maa yei chait i khiah wei ym toh u man ko kawa pyrchah aiñ.
U Paul da ong u leh wa ka e License næ i tipmit ya ki u chong ko ya kiwa wan nyngkong wei u yoh nyngkong ki.
Ha kani ka kynti u man ko neibynta waroh kawi ka sor Shillong wa kynthup ka Mawlai, Pynthorumkhrah, Nongthymmai, lait noh ka Cantonment, European Ward wa ka Jail Road kiwa haap cha palat ka Sixth Schedule.
Discussion about this post