Shillong: U Working President ka UDP u Paul Lyngdoh da ong u wa ka sorkar toh u chim ko ya u snem 1972 kam u snem ah pyrtuid neibynta wow pynkrehkaam ya ka National Register of Citizen (NRC) ha ka ri.
Hawa klam ynne ka sngi, u Paul da ong u wa ya ka NRC da dep pynbna ka sorkar pyrdi wow pynkrehkaam ha waroh kawi ka ri wa ha kani ka jyllla, kawa toh u wanlang waka Ordinace ka MRSSA yow yada rap bha ya ki tre chnong.
Da ong u wa emkaam ya ka aiñ kawa khlan yow khang yei wan chong chnong buhai ki bru. Hajrong i pyrchah ka Congress ya ka NRC, u Paul da ong u wa i pyrchah ka Congress toh nei rukom pyrkhat yong ki neibhah ka NRC ym toh de kawa thymme wei kawa da wanrah nadooh u snem 1951 hawa ka Meghalaya dang em ko a ka Assam katwa kawa sdang thymme, emkaam wow em ka snem ah pyrtuid ka wow pynsakhiat katkam ki kot ki sla wa u snem 1972, kawa man kawa biang dooh neibhah yaka jylla Meghalaya da yoh ya ka jylla ha utai u snem.
Discussion about this post