U Montri Rangbah ka jylla, u Conrad K Sangma da pyntip u wa ka sorkar jylla da rai ko wow pynkrehkaam ya ki kattu katni ki kyndon ki wow krehkaam nadooh ka 5 tarik uni u bnai deiwa pyrkhat yei ku kiwa yoh ya u Omnicron ha kiwa boon ki bynta ka ri.
Hawa klam wa ki laad pathai khubor hadien wa pynman ya ka yalang wow pait yei long i man ka khlam COVID-19 hapoh ka jylla ynne ka sngi, u Conrad da pyntip u wa ka sorkar daw pynkrehkaam ko ya ka kyndon heiyatoh wa ki yalang paidbah.
Da pyntip u wa hadooh katni ym em wa yoh Omicron hapoh ka jylla.
Da pyntip u leh wa daw booh ya ki kyndon heiyatoh wa i lai i wan ki kari ki bru samen hapoh Shillong deiwa bood da ki Odd-Even Number.
Najrong i emkaam wow chim tika waroh arsien, kiwa wan na baar jylla hap ki leh wow pynyoo ya ka COVID-19 Negative Test Certificate wa da leh 72 kynta chwa wow poi ha ka Entry Point.
Da pyntip leh wa ya ka Night Curfew daw pynkrehkaam biang heipor miet nadooh 10:00 waje ha Shillong kamjooh leh ha kiwi ki District.
Ki hukum wa bniah daw pynmih da ki jar jiar ki Deputy Commissioner.
