Ka Meghalaya Football Association (MFA) da pynbna ko wow pynman biang ya ka lympung yaleh bol wa tip kam ka 3rd Meghalaya State League (MSL) ka wow sdang nadooh ka 5 tarik u Naisan uni u snem.
Kani ka lympung wanrah ko ya kiwa boon ki Club kiwa em hakhmat dooh na kylleiñ ka jylla kiwa da pynyabi namo wa da tipmit da ka MFA.
Ki Club kiwa da pynyabi wa ka MFA toh kiwa da kyrchaan da ka sorkar jylla.
Kam wow kdaw heini ka MFA da ong ko wa ka MSL u kynthup ko ya ki dhab wa jop ha ki lympung wa da tipmit da ka kamwa da jooh leh nadooh wa sdang ya kani nadooh u 2017-18.
Lyngba kani ka MSL, ka MFA da ong ko wa da jied ko ya ki khynnah wa pnah hei yalehbol wei da dep e laad ko ya ki Association wow pynman ya ki yalehke kani ka lympung kam ha East Khasi Hills, Garo Hills, Ri-Bhoi, Jaiñtia Hills wa ha West Khasi Hills.
Ha uni u snem ya kani ka lympung daw yakhun ha ki 4 tyli ki madan kitæ ha Shillong, Tura, Jowai wa Mawkyrwat.
Kam wow pynkynmoo heini neidaw ka khlam COVID-19 ka Meghalaya Football Association ymye ko wow pynman ya kani ka lympung yalehbol le snem heiwa ha uni u snem daw sdang da ka yalehke hapyrdi ka Rangajied waka 7 Wasa United.
Ki dhab namo ki Club wow chimbynta ha kani ka lympung kynthup ki ya kini ha wah:
- Mawlai Sports Club
- 7 Wasa United
- Pyndengrei SCSC
- Chipakkore Football Club
- Jyntru
- Rymbai Iawpynsing SC
- Mawten SC
- Warima Youth Club
- Seng Samla Laitryngew
- Mulait United FC
- Riangdo Youth Sports & Cultural Association
- Wasa FC
- Umkseh
- Sein Pynbhalang SC
- Seven United Sports Social & Cultural Club
- Atong Matrik FC
- Langsning SC
- Rangdajied FC
- Lumdiengngan SC
- Khliehmawlieh YC
- Umrit SC
- Ladthadlaboh SC
- Shillong Lajong FC
- Selsella Sports Association
- Youth Club Pdengkarong
