Nadooh ka um, bordiñ, dawai, thaw kha khon ym em ha ka Huroi Sub-Centre

Hadien wa ka seiñ KSU Huroi Unit da lai pait ko ya ka Sub-Center kawa em ha chnong Huroi, East Jaiñtia Hills District kawa em ha ka bynta khappood waka Bangladesh da chem wa kani ka thaw sumaar da em ko chiboon i duna.

Hawa ka KSU yoh ko wow yaklam wa kawa kreh yong katai ka Sub-Center, da khana ko wa wot tang ka um wa emkaam kawa hakhmat dooh leh ym em hapoh kani ka Sub-Center.

I duna wa ka KSU da chem ko toh wa wot ka bordiñ leh ympu em, ka thaw pynkha khon leh ym pu em, i thaw booh ya ki khonboo mar sien dep kha leh ym em hapoh kani ka Sub-Centre.

Hawa yoh u yoo dei khmat ya waroh ini wa duna, da pynkjut nood i ya ka seiñ hadooh kattæ kattæ yei chah lehbeiñ ki paidbah ka thaaiñ khappood iwa da man hadooh kattæ kattæ khamtam ya ki manbei kiwa punkhon wei kamjooh ya ki paidbah wa kjut wa chitom.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Iwa pynphylla chooh chooh ya ka seiñ toh wa ha kani ka Sub-Centre wa wot i dawai neibynta ki paidbah wa pynemkaam hawa khut wa chitom leh ym em wei ini da pynyoo wa da lehbeiñ sakhiat ka sorkar ya ki paidbah wa chong wa sah ha khappood Bangladesh.

Kamtæ neiliang yong ka seiñ da dawa joor na ki bor District kamjooh leh ya ka MLA ka 5-Sutnga Saipung Constituency, ka Santa Mary Shylla wei khamtam dooh ya ka sorkar jylla wa toh u chimkhia hajrong ini i eh ki paidbah khamtam ha kam ini i por wa dang joor u slap, ki paidbah wa kjut wa chitom da sñiaw kut laad ki neibhah ym em leh ka kari wow lai yaaw lai haat neidaw wa joor sih u sarok na Huroi chadooh Sonapur.

“Ileh i chah lehbeiñ ki paidbah khappood waka Bangladesh dang pteiñ i hadooh kini ki sngi?” da kylli ka KSU ya ka sorkar jylla.