Ka Meghalaya People United Front (MPUF) Mawryngkneng Block Circle da e ko yei kyrchaan ya i dawa ka Dorbar Chnong Mawryngkneng hajrong i eh wei duna wa chem ki paidbah hapoh ka Mawryngkneng CHC.
Hawa lai pait ya kani ka thaw sumaar ha ka 17 tarik uni u bnai, ka seiñ da chem ko yei duna nadooh ki kor Test kam ka Ultra Sound, Scanning wa kiwi kiwa emkaam ki paidbah wa haap hapoh i pait kani ka CHC.
Da chem leh yei duna kiwa kreh nadooh ki Doctor, ki Nurse wa kiwi iwa da ktah bha yei chakri ya ki paidbah ka thaaiñ heiwa da hap ki wow lai chadooh cha Shillong wow leh ya ki Test waphær waphær.
Chooh chooh da chem yei wym biang ki dawai ha kani ka thaw sumaar neibhah wa boon ki manyung toh kiwa duna hei yoh i laa.
Kamtæ ka MPUF hapoh i yahkhmat u President, u Harvey Mynsong, u Secretary u William Sohtun wa ki dkhot da e ki yei kyrchaan wa pura yei dawa ka Dorbar Chnong Mawryngkneng neibhah ini man iwa chong hok wei iwa em ya ka yurim wa skem wow pynsuk ya ki paidbah.
Discussion about this post