Psiah Semi sa ka Kyllumlang, ka Nuksa wa ka Rympei Pip ha ka Veterans Football Tournament ha Wahiajer

by Wyrta Staff

July 18, 2026

Reading Time: 3 mins read

Ka Veterans Knock Out Football Tournament wa pynman ha Wahiajer Mini Stadium da pyndep ko ya ki yalehke Quarter Final wa dang sah ynne ka sngi.

Ha ka yalehke wa nyngkong, ka Kyllumlang FC da pynrem ko ya ka Porto FC deiwa yachut Tie Breaker da 3-0 hadien wa kut ka yalehke da ka 1-1.

Ya ka Kyllumlang da thap da u Kynsai Lyngdoh ha ka minit wa 32 katwa ya ka Porto da thap da u Golden Shadap ha ka minit wa 22.

Ha ka yalehke wa ar, ka Nuksa FC da jop ko ya ka Smit Veterans da 4-2.

Ya ka Nuksa da thap da u Phasting Myrthong ha ka minit wa 19, u Buda Rani ha ka minit wa 41, u Poibiang Pohshna ha ka minit wa 55 wa u Bowri Khongstia ha ka minit wa 62. Katwa ya ka Smit Veterans da thap da u Robert Nongspung ha ka minit wa 11 wa 60.

Ha ka yalehke wa le, ka Rympei Pip FC da jop ko ya ka Kdup Dei Maia FC da 3-0 da ki kool wa thap u John Nongsiang ha ka minit wa 41 wa u
Barland Syngkon ha ka minit wa 56 wa 59.

Kamtæ ka Kyllumlang, ka Nuksa wa ka Rympei Pip da yoh ki wow psiah Semi Final.