Jowai: Ha kani ka Election MP cha ka Lok Sabha hadien i ñiaw Vote wa pynman ynnin ka sngi da em kiwa jop nadooh uwa yaleh Cricket, wa rwai wa kiwa ak phlim iwa man leh i sien nyngkong wa jop ki.
Uwi na ki toh u Gautam Gambhir u kyrtong ka BJP uwa jooh man kam uwa yalehke Cricket ka ri India uwa yaleh na East Delhi, da pynrem u ya u kyrtong ka Congress u Arvinder Singh Lovely da palat 3.91 lak Vote.
U Ravi Shankar Prasad uwa jooh man kam u MP ka Rajya Sabha ha kani ka kynti da yakhun MP u cha ka Lok Sabha na Patna naka BJP wei da pynrem u ya u Shatrughan Sinha uwa jooh man leh kam uwa ak phlim ka Bollywood wa pawnaam uwa da man MP nadooh u snem 2009 wei da jop MP u leh deiwa pynrem ya u (L) Rajesh Khana uwa man leh kam uwa ak phlim wa pawnaam ka Bollywood.
Uwa rwai Sufi u Hans Raj Hans u kyrtong ka BJP na North West Delhi da jop u ya u kyrtong ka AAP u Gugan Singh da 5.55 lak Vote.
Ha West Bengal kawa ak phlim ka Mimi Chakraborty da jop ko haka sien nyngkong wa yaleh ko kam ka kyrtong ka AITC deiwa pynrem ya u kyrtong ka BJP u Anupam Hazra da 2.95 lak Vote na Jadhavpur Constituency.
Sa kawi kawa ak phlim na West Bengal kawa man leh ka kyrtong ka AITC ka Nusrat Jahan da jop ko ya u Sayantan Basu u kyrtong ka BJP.
U Sunny Deol u kyrtong ka BJP uwa man leh uwa ak phlim wa pawnaam ka Bollywood da jop u haka sien wa nyngkong wa yaleh MP u na Gurdaspur Constituency wa em ha Punjab deiwa pynrem ya u Sunil Jakhar u kyrtong ka Congress.
Discussion about this post