Kam ka dak wow pyrchah yei booh thaw khrong dan ka Karbi Anglong Autonomous Council (KAAC) ha chnong Khanduli ynne ka sngi kiwa yahkhmat chnong Khanduli, West Jaiñtia Hills District da pynbna paidbah ki wa nadooh mynstep ka 22 tarik nadooh 4:00 waje i step u sdang khang noh ya ki bru Khasi Pnar wow hiar cha Karbi lyngba ka chnong Khanduli wei kamjooh ya ki jaitbru Karbi leh ym chah de u wan ki cha Meghalaya lyngba ka chnong Khanduli.
Ini i khang u neh ko kat wym pu kynriah ka KAAC yaka thaw khrong dan (Entry Tax Gate) iwa da booh hapoh ka chnong Khanduli.
Kamtæ neiliang u waheh chnong ka Khanduli u Yooshida Nongspung da kyntu u ya ki chnong wa marjan nadooh ka chnong Lapangap, Chebnai, Talu, Umchangiar, Saitsama, Mookoiram ter ter chadooh Namdong wa kiwi ki chnong wa hap ha West Jaiñtia Hills District u yakrehlang ki wa ka chnong khnang yow lait neiwon iwon i awri awra.
Heijoooh i por da kyntu u leh ya kiwa pyllait khubor ha ki Social Media wymtoh u pyllait khubor bakla kamwa da jia ini wa dep hajrong i kulmar wa jia ha Khanduli iwa ong “Shah beh u Magistrate ka West Jaiñtia Hills District haki pulit Assam”.
Tang iwa sakhiat hi da ong u wa neiliang yong ki e yaroh ki ya ki Magistrate wa ki pulit chimkhia ki wa ye ka yaleh u pyrchah ya ki Karbi wow sai ya ka Signboard na chnong Khanduli.
