U President ka Meghalaya Pradesh Congress Committee (MPCC), u Vincent H Pala da kam u wa kiwa yahkhmat wa kiwa kyrchaan na ki seiñ saiñ pyrthai waphær waphær da khreh ki wow wan psiah cha ka Congress ha kini ki sngi wei khamtam kitu kiwa phet cha kiwi ki seiñ.
Hawa klam ynne ka sngi, u Vincent Pala da ong u ka seiñ daw pdiang biang ko ya kiwa yahkhmat kiwa da phet cha ka TMC ha Nongthymmai, ha Umroi, ha Nongpoh wa ha kiwi ki Constituency ha kini ki sngi wow wan.
Hawa klam cha ki laad pathai khubor, u Vincent da ong u wa ynne ka sngi, ka Party da pdiang sñiawbha ko ya kiwa yahkhmat na ki seiñ saiñ pyrthai waphær waphær na West Shillong kiwa da wan psiah cha ka Congress.
Hei jooh i por, da ong wa ha ka Election chiteiñ samoi ha Gambegre leh, da ki hajar kiwa da yut, da wan uiñ biang ki cha ka Congress wei ka Party em ko i kyrmen wow jop.
Hajrong ka MDC Election, u Vincent da ong u wa ka Party da pynkhreh lut ko ha waroh ki Constituency lait noh sa ki kattu katni kiwa dang hap wow rai ya ki kyrtong neibhah wa em boon kiwa paan Ticket.
Da pynsñiaw u leh wa boon ki MLA warim, MDC warim wa ki Chairman warim ki ADC da wan ki wow pynyabi cha ka Congress ha Ri-loom Garo. Wei hadien ka Election chiteiñ samoi daw pdiang noh ya ki cha ka seiñ.
Discussion about this post