Ka sorkar jylla da rai ko wow pyndam noh yei pyndooh bordiñ namo ka Load Shedding nadooh i pyrdi synyaw myntu ka 11 tarik.
U Symbood Montri Rangbah wa pait leh ya ka chnat Bordiñ, u Prestone Tynsong da khana u wa kani ka rai toh hadien wa da ye u pynbha ya ki kattu katni ki Unit kiwa da thut, wei da ong u wa ka Load Shedding kawa 4 kynta kawa da pynkrehkaam katni u pyndam noh ka nadooh pyrdi synyaw myntu ka sngi.
U Prestone da pynsñiaw u yei sñiawngooh ya ki paidbah kiwa da yaichah wa ka sorkar hanla da hap wow pyndooh bordiñ ha kini ki por la’yur, wei da kular u wa neiliang ka sorkar u chimkhia ko wym em de ka Load Shedding neini chakhmat.
