U Montri ha ka sorkar MDA uwa man leh MLA ka National People’s Party (NPP) na Mawhati, u Dasakhiatbha Lamare da ong u wa ha u snem 2018 da pynkhreh u wow yakhun ya ka Election na Nongkrem ymtoh na Mawhati, neidaw ki bru na Nongkrem kwah ki wow em ki bru na ka yung yong oo wow yakhun na kani ka Constituency.
Da ong u wa na ki daw wymye wow kiar ha u snem 2018, da hap yakhun noh na Mawhati, wei ha kani ka kynti khnang wow emlang i myntoi ya waroh ar tylli ki Constituency, da rai u wow yakhun noh na Nongkrem Constituency wei wow booh noh da uwi u kyrtong na Mawhati.
Chooh chooh da ong u wa ha kani ka kynti da rap boonkaam u, khamtam nadooh wa da pynbna u wow yakhun na Nongkrem neibhah hap pait u ya ar tylli ki Constituency, neibhah wa toh i kaamram yong oo.
Hawa kylli, u Dasakhiat da ong u wa daw em bait i eh i khoo ha ka yakhun Election, khamtam wa em ki bru kam u Ardent wa u Lambor, tangwa da ong u wa lada yakhun na iwon iwon i thaw leh u yakhun daw em bait i eh i khoo.
