Jowai : Ynne i step katkam ka yutip wa tikna da em kawi ka kari kawa noh cha riat wa jrong kamwa 100 phut wa em ha Treiongriang ha u sarok na Jowai cha Amlarem wei da neh kiwa chong hapyrdi riat dei yong kynta.
Kani ka kari toh ka Maruti 800 wa em u No. ML 04 B 3358 wei hapoh yong ka da em ar ngut ki bru heiwa da yap uwi wei mynsoo joor uwi wei kani ka kari thmu ki u lai na Jowai cha Nongtalang.
Ha ini i jia uwa yah da yap u wei datip ya oo kam u Md. Reyaz Ali uwa 36 snem i rta uwa man leh u khon u Md. Ramzan Ali na Chapati Chauk Dist Vashali, Bihar.
Katwa yowa mynsoo joor da tip kam u Susanto Das na Nongtalang weida kit ya oo cha Woodland Hospital, Shillong.
Discussion about this post